Ish-deputet i Partisë Demokratike Astrit Patozi ka uruar krijimin e grupit të ri parlamentar demokrat, duke u shprehur se është një përfaqësim dinjitoz dhe përgatitje e alternativës së për qytetarët.
“Me këmbë të mbarë! Urimet më të mira dhe suksese Grupit Parlamentar Demokrat!
Opozitë të fortë dhe denoncim të qeverisë së korruptuar, në mbrojtje të interesit publik. Përfaqësim dinjitoz të zgjedhësve në parlament dhe përgatitje e alternativës së re për qytetarët shqiptarë.
Fantastike kauza për ndryshimin dhe riformatimin e sistemit politik në Shqipëri, si rruga e vetme për ta nxjerrë shoqërinë nga nofullat e partitokracisë, e cila ushqen korrupsionin, autoritarizmin, padrejtësisë, abuzimin me pushtetin, dhe mbi të gjitha deformon hapur dhe qartë vullnetin e qytetarëve.
Beteja dhe fitorja e kësaj kauze është parakushti kryesor për zgjedhjet e lira dhe të ndershme në Shqipëri. Me këmbë të mbarë”, thuhet në mesazhin e Patozit.
Lexo edhe: Hajdari: Isha kundër bojkotit, nuk do e lëmë vendin bosh në zgjedhjet e qershorit
Sot në Kuvend u zyrtarizuan dhe dy grupet parlamentare të opozitës, ajo e PD kryesuar nga Rudina Hajdari dhe e LSI, nga Nimet Musai.