Festat kanë ardhur në shtëpinë e Besit, Xhensilës dhe Ajkës dhe ambienti i tyre është mbushur me drita e ngrohtësi!
Edhe këtë vit, Krishtlindjet kanë një kujtim të veçantë në familjen Kallaku, pasi çifti ka realizuar një super video që na kënaqi sytë në Instagram.
Besi, Xhensila dhe Ajka shfaqen duke luajtur e duke përkëdhelur njëri-tjetrin, duke gatuar e duke u përqafuar së bashku, ndërsa gëzimi lexohet qartë në sytë e tyre.
Ky është ndër rastet e rralla kur ata tregojnë edhe portretin e të voglës së tyre Ajkës, e cila rritet dita-ditës dhe tashmë është bërë një zonjushë.
Si Besi, ashtu edhe Xhensila, kanë ndarë në llogaritë e tyre të njëjtën video, duke shkruar ndjesitë e tyre më të sinqerta.
“Dashuria është mbi gjithçka! Ne këtë vit të mbrapshtë, familja është gjithçka e shenjtë.
Festa të mbara, të bukura me njerëzit tuaj dhe familjet tuaja. Bekime dhe zemra të ngrohta.
Me dashuri, familja Kallaku”- janë fjalët e Xhensilës.
Ndërkohë, Besi shkruan:
“Dritat e festave janë shumë të pakta në krahasim me dritën që na ke sjell ti Ajka. Vetëm Zoti na ka në dorë Lavdia e tij për gjithçka! Ai sjellt një Vit më të mirë për secilin prej jush, për çdo shqiptar. Zoti ju rujt. Me respekt, shpaja Kallakut! 🙌🏻.
(Kjo është nga ata herët që bojm sikur po gatuajmë vetë) 😂.”