Mariza Ikonomi është bërë shpesh e fejuar nga portalet me moderatorin Isli Islami, kjo pas një pyetësori që iu bë në një intervistë, ku mes shumë meshkujve të ekranit, Ikonomi duhet të zgjidhte mes tyre për martesë.
Në sensin e shakasë, Mariza zgjodhi moderatorin Isli Islami, dhe kaq iu desh që shpesh të bëhej e fejuar në portale e intervista.
E ftuar sot në “Kafsho”, me Ronaldo Sharkën, Mariza Ikonomi foli për këtë situatë dhe tregoi një situatë komike ku miq të ndryshëm, madje dhe njerëzit e pallatit e uronin për fejesën:
“E mora me shumë gallat, qeshja por të nesërmen tek Rruga e Ambasadave, vjen një shoqja e mamit dhe më uron për fejesën. Na uronin edhe familjarisht. Është shumë funny si situatë, aty e kupton se sa ndikohen njerëzit nga këto fake news. U gëzua gjithë pallati, thanë shyqyr e mbaruam këtë punë, të rregullojmë shkallën se po na vjen dhëndrri por unë e kam kaluar me shumë humor”- u shpreh Mariza Ikonomi.
