Mediat italiane shkruajnë se zëvendësimet e shpëtuan Interin nga disfata në startin e sezonit të ri të Ligës së kampionëve. Ata “ngelin në klasë” titullarët ndaj Real Sociedad, mes të cilëve edhe shqiptarin Kristjan Asllani.
Pa e përmendur me emër yllin e kombëtaren kuqezi, e lënë të kuptohet duke dalë në përfundimin se “pa Calhanoglu, Interi është një histori tjetër”.
Inzaghi i dha Asllanit një shans të rëndësishëm, pasi siç u përmend, ai është zëvendësuesi natyral i turkut. Por diferenca ishte e tmerrshme dhe u reflektua në pjesën e parë të tmerrshme të Interit kundër Real Sociedad, deri tani 45 minutat më të këqija të fillimit të këtij sezoni.