Në orët e para të mëngjesit, një shpërthim i fuqishëm me tritol u regjistrua në Sanxhak të Laçit. Një sasi e madhe tritoli shpërtheu në banesën e Skënder Likës. Ai babai i autorit të vrasjes së biznesmenit Rakip Roli. Lleji Lika ekzekutoi në dhjetor të viti 2021 në Laç biznesmenin Rakip Roli me një breshëri kallashnikovi. Hetimet vijojnë dhe pista e parë është hakëmarrja.
Fqinjët e familjes Lika në Sanxhak të Laçit, ku mëngjesin e sotëm një shpërthim i fuqishëm dëmtoi disa banesa, fatmirësisht pa dëme në njerëz. Fqinjët deklarojnë se tronditja ka qenë e madhe dhe se ndodheshin në gjumë kur ndodhi shpërthimi. Ata kanë kujtuar fillimisht se ishte tërmet.
“Ka qenë shumë e tmerrshme dhe e frikshme. Kam kujtuar se nuk do dilja e gjallë. Kujtuam se ishte tërmet. Nuk kam parë gjë. Menduam tërmet deri sa e morëm vesh ca ishte. Dëmet kolosale, çatia e prishur, muret e shembura. Kemi qenë të gjithë në shtëpi”, tha një fqinj.