Mëngjesi i kësaj të enjte ka nisur me një aksident fatal. Një 40-vjeçar ka humbur kontrollin e mjetit dhe fatkeqësisht ka humbur jetën, në aksidentin e ndodhur në fshatin Tërbaç të Himarës.
Policia bën me dije se ai ka qenë duke udhëtuar me një motoçikletë në momentin kur ka dalë nga rruga duke humbur jetën.
“Në rrugën rurale të fshatit Tërbaç, gjatë natës, shtetasi L. H., 40 vjeç, dyshohet se duke drejtuar një motomjet ka humbur kontrollin dhe motomjeti ka dalë nga rruga. Si pasojë e aksidentit ka humbur jetën drejtuesi i motomjetit. Grupi hetimor ndodhet në vendngjarje dhe po punon për zbardhjen e plotë të rrethanave të aksidentit”, thuhet në njoftimin e policisë.