Arrestohen dy shqiptarët të cilët u arratisën nga burgu në Greqi.
Dy të rinjtë e moshave 31 dhe 33 vjeç, me iniciale E.L dhe A.S ishin duke vuajtur dënimin e përjetshëm në burgun e Kassandras në Halkidiki, ndërsa u arratisën 5 ditë më parë.
Dy të arratisurit u identifikuan nga policët mëngjesin e sotëm në Efpaliou Fokis, në një zonë pyjore të fshehur në një plantacion me kanabis.
Sipas mediave greke të rinjtë kishin me vete armë kallashnikovi dhe granata.
Ndërkohë vetëm pas arrestimit të tyre u zbulua se dy personat ishin të arratisurit nga burgu, të cilit ishin shpallur në kërkim nga policia.
Sakaq, policia greke ka bërë me dije se dy shqiptarët janë persona me rrezikshmëri të lartë.