Pas gjashtë humbjesh radhazi në kampionat, Skënderbeu i Orges Shehit nuk ka zhgënjyer. Në Korçë, përballë Laçit, kampionët e Shqipërisë kanë fituar me rezultatin e ngushtë 2-1, në një sfidë aspak të lehtë, teksa kurbinasve iu anulua edhe një gol, edhe pse në pozicion të parregullt. Protagonisti i ndeshjes ishte Krasniqi, që përveç se shënoi me kokë, fitoi edhe penalltinë e shndërruar më pas në gol nga Pervan.
Në fakt, u deshën plot 55 minuta që korçarët të gjenin rrugën e rrjetës, pasi Laçi ishte vendosur mirë mbrapa. Pikërisht Selmani që pengoi Krasniqin dhe shkaktoi 11-të metërsh, do të shënonte po me penallti vetë në fund, por nuk kishte më kohë për të kërkuar barazimin e dëshpëruar.
Me këtë sukses, Skënderbeu kalon Laçin në renditje, duke kapur vendin e katërt dhe duke iu afruar Teutës së vendit të tretë, tashmë vetëm tri pikë larg.
Stadiumi “Skënderbeu”, Korçë
Skënderbeu – Laçi 2-1
Krasniqi 55′, Pervan 76′ (p)/ Selmani 89′ (p)
Skënderbeu: Dajsinani, Vangjeli, Sambu, Pëllumbi, Abazi, Taipi, Sibo, Dita (Kurti 54′), Pervan (Oto Xhon 83′), Muzaka (Gripshi 71′), Krasniqi. Trajner: Orges Shehi
Laçi: Selmani, Fangaj, Toro, Gjoni, Sefgjini, Eler, Jonuzi, Çokaj, Shtubina (Berisha 56′), Lushkja (Mane 74′), Xhixha (Okpotu 49′). Trajner: Besnik Prenga
Gjyqtarë: Andi Koçi, Fatmir Lamaj, Nertil Bregasi, Olsi Sokoli
Kartonë të verdhë: Taipi 42’ / Gjoni 68′, Jonuzi 84′