Teksa në Shqipëri ka nisur një tjetër betejë mes qeverisë dhe presidencës, kreu i Stetit Ilir Meta dhe Kryeministri Edi Rama kanë qenë bashkë në ceremoninë e 20-vjetorit të bombardimeve të NATO-s, që i dhanë fund terrorit serb në Kosovë.
Të ulur mes të pranishmëve, Metën dhe Ramën i ndante në mes kreu i Kuvendit të Kosovës, Kadri Veseli. Ndërsa Zëvendës Ndihmës-Sekretar i Shtetit në SHBA, Mathew Palmer është parë në krah të kryeministrit Edi Rama, ku edhe bisedojnë me njëri-tjetrin.
Ndërkaq, mes Ramës dhe Metës në publik nuk është parë ndonjë lloj komunikimi, teksa në Shqipëri situata politike duket se e ka larg zgjidhjen. Meta ka anuluar zgjedhjet e 30 qershorit, dhe socialistët këmbëngulin se atë ditë do të ketë zgjedhje. Ndërkaq, nesër është paralajmëruar të nisin dhe procedurat e shkarkimit për kreun e shtetit.