Në ditën Ndërkombëtare të Monumenteve të Kulturës dhe Vendeve Arkeologjike kreu i shtetit Ilir Meta ka një apel për mirëmbajtjen e këtyre pasurive.
Në një status në Facebook, presidenti thotë se ndërtimet e sforcuara nëpër qytete po vendosin para rrezikut të shkatërrimit e zhdukjes shumë nga këto vlera të rralla kombëtare.
“Ndaj apeloj që ta mirëmbajmë këtë pasuri, si trashëgimi të çmuar të të parëve tanë. Të mos harrojmë se pas dëmtimit të çdo monumenti, objekti kulti, afresku apo vendi arkeologjik dëmtohet identiteti ynë kombëtar dhe kulturor, si dhe humbet një shans për të vendosur historinë dhe trashëgiminë në dobi të së ardhmes”, shkruan Presidenti.