Kreu i shtetit Ilir Meta ka çelur sezonin turistik në Skrapar ku dhe ka dhënë mesazhin e tij për politikën. Kriza politike po sjell pasoja të rënda në ekonomi thotë Presidenti në një postim në Facebook. Sipas tij, efektet e para kanë filluar të ndihen në turizëm dhe operatorët e cilësojnë situatën dramatike
“Me urimin për një sezon të mbarë e të suksesshëm turistik, jam i bindur se Skrapari, falë atraksioneve të jashtëzakonshme që ofron, mikpritjen, traditat e kulinarinë e veçantë, shumë shpejt do të jetë një nga destinacionet më të rëndësishme turistike në të gjithë rajonin!
Por për fat të keq, kriza politike ku ndodhet vendi, po sjell pasoja tepër të rënda edhe në ekonomi. Efektet e para kanë filluar të ndihen në turizëm dhe operatorët e cilësojnë situatën dramatike.
Edhe për këtë arsye ia vlen të reflektohet urgjentisht, përndryshe do të goditet rëndë turizmi dhe gjithë familjet shqiptare që mbështesin mirëqenien e tyre në këtë sektor kyç të ekonomisë tone”, shkruan Meta në mesazhin e tij.
Një ditë më parë kryeministri Edi Rama tha se protestat e dhunshme janë ato që po dëmtojnë ekonominë dhe turizmin.