Mjaft i ashpër ka qenë Meta në fjalën e tij gjatë konferencës ku për herë të parë ka sulmuar hapur, George Soros, miliarderin amerikan.
“Unë dhe shqiptarët do ta mbrojnë vendin nga ata miliarderë që u duket Shqipëria një mizë lisi që mund të tallen si të duan. Kam dy fjalë për miliarderin Soros, ju uroj jetë të gjatë, suksese dhe të birit që vjen shpesh në Shqipëri, ti gëzojë miliardat, Ilir Meta nuk është i racës së Gruevskit është presidenti i vendit dhe i del për zot vendit, Jam i racës së tipit Avni Rustemi, Mic Sokolit, Vojo Kushi. Po qesh “kushërira” ime, Ambrozia, jam i gatshëm të bëj testin e shëndetit mendor dhe pas kësaj krize duhet të vëmë në kushtetutë testin e shëndetit mendor dhe jam gati të bëj edhe testin e drogës, kurse për testin e shqiptarit e dinë ata që e kam bërë e do ta bëj në çdo kohë”- tha ai.
Lexo edhe- “Më 13 tetor zgjedhje të përgjithshme dhe për President”, Meta: Shqiptarët i shpëtuan kurthit
Ai tha se objektiv i tij është integrimi europian i Shqipërisë. “Unë kam dalë me studentet “E gjithë Shqipëria si gjithë Europa”, kam shkuar në takimin me Ramiz Alinë bashkë me të tjerët dhe mendonim që do të shkonim në Spaç në fund se sa fitimtarë në qytetin studenti, dhe po kështu e gjithë angazhimi im është Shqipëria faktor stabiliteti në Ballkan njësoj me fqinjët, kush e do koloni të pastrojë lekë, bazë operacionale e krimit të organizuar ndërkombëtar, nuk kemi nevojë”, vijoi Meta.
