Me rastin e 5 Majit, Ditës së Dëshmorëve të atdheut, Presidenti i Republikës Ilir Meta ka komunikuar mesazhin e tij në përkujtim të të gjithë atyre që dhanë jetën për kauzën e lirisë.
Në postimin e tij, kreu i shtetit shkruan se sot është edhe një ditë e madhe frymëzimi për të ndërtuar një të ardhme më të mirë të Shqipërisë dhe për të qenë gjithmonë vigjilentë në mbrojtje të Sovranitetit dhe Pavarësisë.
Postimi i Metës:
“🇦🇱 5 Maji është një ditë kujtese dhe nderimi për Qemal Stafën dhe mijëra të rinj e të reja që dhanë jetën për kauzën e Lirisë.
Sot është edhe një ditë e madhe frymëzimi për të ndërtuar një të ardhme më të mirë të Shqipërisë dhe për të qenë gjithmonë vigjilentë në mbrojtje të Sovranitetit dhe Pavarësisë. Lavdi të përjetshme Dëshmorëve të paharruar të Atdheut!”