Kreu i shtetit Ilir Meta ka nisur takimin këtë paradite me krerët e opozitës, pas një ftese të dërguar disa ditë më parë ndaj tyre, lidhur me krizën politike në vend.
Në këtë mbledhje bie në sy mungesa e kryetares së LSI, Monika Kryemadhi, ku në vend të saj ishte Petrit Vasili. Gjithashtu mungonte edhe Shpëtim Idrizi, i përfaqësuar nga Mesila Doda, ndërkohë që i pranishëm ishte Vangjel Dule. Gjithashtu edhe kreu i PR-së, Fatmir Mediu nuk ndodhet në këtë tryezë.
“Nisur nga situata dramatike, në të cilën ndodhet vendi dhe pasojat e saj të papranueshme, ju ftoj juve dhe të gjithë kryetarët e Partive të Opozitës së Bashkuar në një takim, në një kohë sa më të shpejt, mundësisht përpara ditës së mërkurë, datë 20.11.2019”, thuhet në ftesën e disa ditëve me parë.