Pasi u pranua në shkollën e pilotëve te skuaderia italiane e
Ferrarit, Mick Schumacher ka bërë një tjetër hap cilësor. Bëhet fjalë për
menaxhimin e tij, punë e cila do t’i besohet Nicolas Todt.
“Djali i kampionit, Michael Schumacher, i cili u bashkua me akademinë e
pilotimit të Ferrarit, ka zgjedhur të punojë me menaxherin Nicolas Todt”-raportoi
“Sky Sport Italia”.
Disa ditë më parë, Todt, i biri i presidentit të FIA, Jean Todt tha se Schumacher nuk duhet të nxitojë për të bërë debutimin e tij në një Çmim të Madh.
“Mick nuk thotë tani apo kurrë. Ai e di se ende ka shumë për të mësuar. Shumica e shoferëve nxitojnë, dhe kjo më vonë del të jetë një gabim”.-i tha ai “Speed Week”.
Gjithashtu, Nicolas Todt menaxhon karrierën e shoferit të Ferrarit, Charles Leclerc.