Edicioni i sotëm i gazetës së famshme të Milanos, “Il Giornale”, rikthen emrin e Bernard Arnault dhe planin e bujshëm të multimiliarderit francez për të blerë klubin e Milanit!
Sipas gazetës, brenda qarqeve financiare milaneze ka zëra për blerjen e Milanit nga manjati francez: madje, flitet për një marrëveshje që do të arrihet brenda 12 muajsh, kohë e cila do të shërbejë për shqyrtimin e bilanceve dhe për planimetrinë e stadiumit të ri.
Prej disa kohësh, emri i sipërmarrësit francez po qarkullon në kuqezi, por klubi gjithmonë ka mohuar gjithçka. Tani, megjithatë, këto thashetheme janë kalitur me një detaj, që padyshim nuk është i papërfillshëm: Pep Guardiola si trajner dhe kampion francez i botës, Kylian Mbappe në sulm. Një prezantim super dinjitoz dhe përrallor për pronarin e zinxhirit të famshëm LVMH.
Një dyshe (Guardiola-Mbappe) që do të lejonte që Milani të bënte një kërcim të menjëhershëm në cilësi, me përfshirjen e tij në listën e top klubeve evropiane.
Megjithatë, edhe një herë, mohimet vijnë nga Casa Milan. Ndërkohë, thashethemet vazhdojnë të mos ndalen …