Ministri i Jashtëm grek Nikos Dendias do të vizitojë Shqipërinë në 20 tetor, datë kjo që tashmë është caktuar zyrtarisht.
Kjo vizxitë e Dendias vjen rreth një muaj pas vizitës s kryeministrit shqiptar Edi Rama në Athinë, i cili mori pjes ënë një konferencë rajonale.
Ashtu siç ishte paralajmëruar, arsyeja kryesore e vizitës së kryediplomatit grek në Shqipëri është çështja e detit, për të cilën Dendias tha pak ditë më parë se duhet zgjidhur sa më shpejt të jetë e mundur.
Në një intervistë për mediat greke, ai u shpreh se shpreson te rinisja e dialogut, teksa theksoi se zgjidhja e problemeve të vjetra është edhe në interesin e Shqipërisë duke pasur parasysh perspektivën evropiane.