Ministria e Arsimit ka publikuar kalendarin zyrtar për vitin shkollor 2026-2027, duke përcaktuar datat e fillimit dhe përfundimit të procesit mësimor, si edhe periudhat e pushimeve dhe zhvillimin e provimeve kombëtare.
Sipas kalendarit të miratuar, viti i ri shkollor do të nisë më 14 shtator 2026 dhe do të përfundojë më 18 qershor 2027.
Ndërkohë për maturantët, procesi mësimor do të përfundojë më 4 qershor 2027, në funksion të përgatitjeve dhe zhvillimit të Provimit të Maturës Shtetërore.
Ministria e Arsimit bën me dije se kalendari përfshin gjithashtu organizimin e procesit mësimor gjatë gjithë vitit, periudhat e pushimeve shkollore, si dhe afatet për zhvillimin e provimeve kombëtare.
