Telashe të reja dhe tepër të rënda për Barcelonën, pasi Ministria e Financave spanjolle ka gjobitur katalanasit me 15.7 milionë euro për parregullsi në lidhje me pagesat e lojtarëve.
Siç raporton gazeta “Confidencial”, hetimi është kryer paralelisht me rastin Negreira dhe ka konstatuar parregullsi në trasnferimin e makinave te lojtarët, shpenzime të pa raportuara për fluturimet charter të ekipit dhe gabime në përllogaritjen e dëmshpërblimit të dhënë për Arda Turan dhe Alexander Song për të ndërprerë kontratën e tyre me Barçën.
Hetimi i nisur në vitin 2019 kishte të bënte me kontrollin përkatës nga periudha 2015-16 e në vazhdim.