Ministrja e re e Arsimit Besa Shahini ka folur për vendimin e kryeministrit për ta vënë në krye të ministrisë së Arsimit.
E ftuar në emisionin ‘Kjo javë’ me Nisida Tufën, Shahini tha se ky ishte vendim ekskluziv i kryeministrit Edi Rama, ndërkohë që theksoi se këtë gjë e kishte marrë parasysh që në momentin kur u emërua zëvendësministre.
‘Ky është një vendim ekskluziv i kryeministrit, unë kur e kam marrë përsipër pozicionin e zëvendësministres e kam marrë parasysh që do ta merrja një ditë këtë pozicion. Nuk është komplet e paimagjinueshme, por për këtë gjë përgatitesh kur merr detyrën e zëvendësministes’, tha ministrja.
Kujtojmë se Besa Shahini më parë ka mbajtur pozicionin e zëvendësministres së Arsimit.