Miqësitë më të vyera janë ato që i ruajmë prej një kohe të gjatë e që sot na bashkojnë shumë kujtime të fëmijërisë dhe jo vetëm. Këtë fakt e ka treguar edhe Irma Libohova, e cila duke kthyer kohën pas me nostalgji ka ndarë disa foto me miqtë e saj, mes tyre dhe këngëtari Dashnor Diko.
“Nuk harrohen shokët e shoqet e vegjëlisë. Miqësi që lidhen pa interesa, dhe ashtu mbesin. Meqë @dashnordiko_official kishte postuar një foto me kolegët, unë po i bëj bashkë dy foto, shumë larg në kohë nga njëra tjetra e të kujtoj pikërisht këtë, miqësinë tonë, që e ruajmë si dikur. Foto 1 rreth vitit 1972.(Nori në rreshtin e parë djathtas) Foto 2 është e viteve të fundit”, ka shkruar Libohova në fotot ku veç viteve që kanë kaluar duket se nuk ka ndryshuar asgjë.
Një miqësi si e Libohovës me Dikon duhet të jetë provë gjithashtu se miqtë e vërtetë ekzistojnë dhe marrëdhëniet më të sinqerta arrijnë të jetojnë edhe pas kaq vitesh.
