Monika Kryemadhi lëshon gojën: Nuk më rruhet fare as për SPAK-un dhe as për burgun

Deputetja e Partisë së Lirisë, Monika Kryemadhi gjatë fjalës të mbajtur në mbledhjen e Komitetit Drejtues të partisë, lëshoi gojën dhe theksoi se nuk i rruhet fare as për SPAK-un dhe as për burgun. “Shumë prej jush thirren dhe iu thonë distancohuni nga Monika Kryemadhi se do të shkojë në burg, nuk më rruhet fare as për burgun dhe as për SPAK-un. Sa kam parë kumbulla dhe fara luledielli në jetën time në këto 30 vjet, si puna e tyre do hyjnë dhe do dalin sa të duash. Halli im nuk është halli juaj, halli juaj është halli im”, theksoi ajo.