Alvaro Morata u prezantua sot te klubi i tij i ri, Atletico Madrid. Në fjalët e tij të para si sulmuesi i bardhekuqve, ai shprehu gjithë kënaqësinë që u rikthye te kjo skuadër speciale për të.
“Doja të kthehesha, njerëzit që më njohin e dinë se çfarë do të thotë të jem këtu”, ishin fjalët e tij të para.
Sulmuesi spanjoll luajti me të rinjtë e Colchoneros përpara se të transferohej te Getafe dhe më pas te Reali dhe pikërisht për këtë arsye ai nuk mori pëlqimin nga disa tifozë.
Ish-sulmuesi i Chelseas dëshiron të përqendrohet vetëm në fushën e lojë dhe debtuimim e tij të parë më fanellën e Atletico Madridit do ta ketë ndaj dy ish skuadrave të tij me Real Madridin dhe Juventusin në Ligën e Kampionëve.
Ndërkohë, Morata komentoi edhe ofertën e skuadrës së Milanit:
“Nëse unë jam këtu do të thotë sepse kam dashur të vij këtu: I dhashë fjalën klubit se kur të ishte e mundur do të rikthehesha”, tha sulmuesi.