Policia ka arrestuar pas 6 vitesh Miky Ibrahimi, pasi Gjykata e Vlorës e ka dënuar me 3 vjet burgim, për veprën penale “Heqja e paligjshme e lirisë”.
Në tetor të vitit 2015, 44-vjeçari nga Vlora, së bashku me disa shokë të tij, më konkretisht me Xhorxho Çeçi, Juljan Habili, Besnik Dalipaj, Klaudio Bylyshaj, Mateo Rama, kanë marrë peng një person në kazino.
Bëhet fjalë për 24-vjeçarin me iniciale D.S., të cilin e kanë futur në një makinë, e kanë dhunuar dhe më pas e kanë braktisur në rrugë. Policia e Vlorës aso kohe sekuestroi edhe automjetin tip “Ford” me targa AA 075 HM në pronësi të autorëve.