Gazetari Ilirjan Blloshmi, i cili jeton në SHBA, ka deklaruar se nënkryetarit të LSI-së, Petrit Vasilit i është refuzuar sërish viza për në Amerikë.
Me anë të një postimi në rrjetin social Facebook, Blloshmi ka shkruar se gjatë një trajnimi të një grupi të LSI-së në një konferencë në Chicago, pjesë e të cilit ishte edhe Petrit Vasili, ky i fundit ka munguar.
Gazetari ka aluduar se në listën e zezë të Ambasadës Amerikane në Tiranë ku politikanët e korruptuar shqiptarë nuk do të lejohen të pajisen me vizë amerikane, ndër të tjerë është edhe Petrit Vasili.
Kujtojmë se politikanë të tjerë të njohur që nuk mund të shkojnë në SHBA janë edhe Tom Doshi, ish kryeprokurori Adriatik Llalla dhe ish kryebashkiaku i Durrësit, Vangjush Dako.
Postimi i plotë:
Petrit thuaj te verteten!
Petrit Vasili, eshte njeriu me aktiv qe ka LSI. E sheh te beje statuse ne fb, e sheh ne konferenca, eshte kudo me Moniken dhe Luanin.
Para disa ditesh nje grup i LSI, beri nje “trajnim” ne nje konference(ka qene i pranishem dhe Fatmir Mediu) prane nje universiteti ne Chicago.
Ne listen e LSI-se ka qene dhe Petrit Vasili. i cili nuk ka udhetur ne USA. Tani lind pyetja. A i eshte refuzuar viza per ne USA Vasilit? Sepse sic e dime para disa kohesh ai nuk udhetoj ne USA.
Mediat aluduan se nuk ka marre vize. Vasili u pergjigj duke nxjerre nje foto te pasaportes me vizen amerikane por qe kishte skaduar.
Vasili ne ate kohe, u justifikua nga se nuk “kishte pasur kohe te bente nje kerkese per te marre vizen e re”.
Petrit! Na thuaj te verteten. Ta kane refuzuar perseri vizen? Nuk eshte fundi i botes. Ja ke Tomen qe nuk shkel dot ne USA. Ke Adriatikun, ke Vangjushin.
Behu burre Petrit. Na thuaj te verteten.