Këngëtarja e njohur kanadeze Alanis Morissette, tashmë 47 vjeçare, ka zbuluar së fundmi se është përdhunuar nga disa burra ne industrine e muzikës kur ka qenë 15 vjeçe, por iu deshën vite të kuptonte se ishte një viktimë e përdhunimit.
Këngëtarja ka ngritur akuzat në një dokumentar që do të shfaqë premierën e tij të martën në festivalin e filmit në Toronto.
Në dokumentarin e rrjetit HBO të titulluar ‘Jagged’, Morissette thotë se disa burra bënin seks me të kur ishte këngëtare 15-vjeçare, shkruan Ëashington Post.
“U deshën vite terapi që të nisja të pranoja se unë isha viktima,” thotë Morissette në dokumentar.
“Unë thosha se kisha pranuar vetë, por ata më kujtonin ‘po ti ishte vetëm 15 vjeçe, nuk ka pranim kur je 15 vjeçe’”.
“Tani e kuptoj, ‘po, ata ishin pedofila. Ishte përdhunim staturor’”, thotë ajo, duke iu referuar termit ligjor të përdorur për krimin e përdhunimit pa dhunë të të miturve.
Morissette nuk emëron asnjë nga abuzuesit e saj në film por thotë se njerëzit në industrinë e muzikës nuk i kanë besuar pretendimet e saj në të kaluarën.
“Unë i thashë disa njerëzve, por kjo ra në vësh të shurdhër, ishte një nga ato momente kur unë ngrihesha e dilja nga dhoma”.
Mosha e pranimit të marrëdhënieve seksuale në Kanada është aktualisht 16. Por ka qenë 14 kur Morissette ishte adoleshente.
Sulmet e denoncuara kanë ndodhur në fund të viteve 1980, kur ajo regjistronte pjesët e para muzikore me studiot Geffen Records dhe jetonte me prindërit në shtëpinë e tyre në Ottaëa.
Ajo shton se avancimet e padëshiruara seksuale janë të shpeshta, edhe kur nuk ka abuzim fizik.
“Thuajse me çdo person që punoj janë këto pika kthese”.
Ajo shton se në atë pikë “ose i jep fund marrëdhënies” ose “do të mbetet një sekret i madh që do ta ruajnë përgjithmonë”.
Por tashmë Morissette duket se është e pakënaqur me dokumentarin dhe nuk do të marrë pjesë në premierë, tha një burim për Ëashington Post.
Filmi fokusohet në publikimin në vitin 1995 të këngës së saj të njohur Jagged Little Pill, e cila arriti të shiste 33 milionë kopje në të gjithë botën.
Regjizori Alison Klayman konfirmoi mungesën e këngëtares në premierë: “Sigurisht do të doja që Alanis të vinte. Ishte një privilegj të bëja këtë dhe jam krenar”.