Roma i habiti të gjithë pak ditë më parë teksa lajmëroi se kishte gjetur akordin me trajnerin Hoze Murinjo për sezonin e ardhshëm. Kryeqytetasit kishin bërë të ditur se nuk do të vazhdonin me Fonsekën, por në alternativat për të zëvendësuar teknikun aktual, askush nuk kishte përmendur emrin e luzitanit.
Megjithatë, tashmë gjithçka është zyrtare dhe për tre vitet e ardhshme, Special One do të jetë në krye të verdhekuqve. Ndërkohë, tifozët janë të entuziazmuar pasi kanë pritshmëri të larta nga një si Murinjo, teksa janë duke pritur me padurim ditën kur ai do të mbërrijë në Romë. Gjitgsesi, në një formë apo në një tjetër, Murinjo ka mbërritur në Romë.
Kjo prej faktit se një “artist rruge” ka vendosur të bëjë një murale për Murinjon. Aty portugezi shfaqet mbi një motor Vespa, ndërsa ka edhe shallin verdhekuq. Një vepër që është vlerësuar shumë në rrugët e Romës, duke e bërë pritjen e Murinjos edhe më shumë entuziaste.