Dy vëllezër, 14 dhe 15 vjeç janë arrestuar nga policia italiane pasi kanë bërë kërcënime dhe sulme të vazhdueshme ndaj një djali të moshës së tyre dhe nënës së tij.
“Na jep paratë, përndryshe do të të vrasim djalin”. Ishte ky mesazhi që dy djemtë i dërgonin vazhdimisht nënës së një 14-vjeçari, ndërsa një herë i gjeti edhe në shtëpinë e saj, të vendosur për të marrë një borxh të pretenduar prej pak më pak se 200 euro.
Ky borxh sipas tyre ishte grumbulluar për blerjen e marijuanës që nga i biri i saj 14-vjeçar, i cili e kishte për përdorim personal.
Pas presionit, kërcënimeve përmes Whatsapp-it dhe telefonatave, nëna iu drejtua karabinierëve. Ata arrestuan dy djemtë në bazë të një dispozite të gjykatës për të mitur, e cila i urdhëroi ata të mbaheshin në paraburgim në komunitet, pasi akuzohen për zhvatje, trafik droge dhe armëmbajtje.
Sipas rikonstruktimit të ngjarjes, viktima ka qenë nën kërcënime të vazhdueshme, sidomos kërcënime për rrahje me qëllim kthimin e parave.
Në atë moment ai iu drejtua nënës së tij, por pavarësisht kësaj, vëllezërit e mitur me prirje kriminale kanë këmbëngulur duke i thënë kësaj të fundit se nëse nuk do t’u shlyente borxhin, do ta kishin goditur me thikë djalin e saj.
Karabinierët ndërhynë pikërisht në takimin e rënë dakord nga gruaja me zhvatësit, të cilët u shfaqën secili me nga një thikë në çantë, ndërsa njëri prej tyre mbante edhe 16 doza hashash.