Ministrja e Shëndetësisë Ogerta Manastirliu ka inspektuar ditën e sotme së bashku me stafin e Infektivit pavionet e spitalit COVID3, ku po bëhen përgatitjet për hapjen e tij.
Gjatë bisëdës me mjekët Manastriliu tha se ky spital do të ketë një staf të dedikuar në rast të shtimit të fluksit të pacientëve me COVID19.
Doktoreshë Najada Çomo u shpreh se numri i pacientëve ka ardhur duke u shtuar ku pjesa më e madhe janë të pavaksinuar.
“Numri i pacientëve ka ardhur Duke u shtuar. Kemi grupmosha të ndryshme ku ka edhe mosha të reja. Pjesa më e madhe janë të pavaksinuar”- tha Çomo.
Më tej Manastirliu tha se shtatori do të jetë muaji sërish i hapur për të vijuar vaksinimim me studentët të cilët do të jenë në auditore që të ulim problematikat e shëndetit që sjell virusi.
Ministrja tha po ashtu se Shqipëria ka premisa shumë të mira krahasuar me vendet e rajonit dhe se ne jemi përgatitur për të përballuar çdo situate e nëse Covid 3 është në gadishmëri edhe Covid 4.