Duke komentuar zhvillimet e fundit në PD pas humbjes në zgjedhjet e pjesshme vendore në gjashtë bashki të vendit, analisti Mustafa Nano tha se Sali Berisha pas këtyre zhvillimeve, nuk u riciklua në politikë, porse ai ishte aty, de-facto, si kryetar i PD-së.
Sipas tij, amerikanët luajtën një rol pa ditur se duke e shpallur non-grata, në fakt e nxorën Berishën nga shtrofulla e tij dhe e rinxorën në skenë.
Nuk është ricikluar Berisha, ai ka qenë në krye të PD-së de-facto.
Tani thjesht është ridimensionuar, është bërë më i vogël, e ka atë partinë e vet e ka de-facto e de-jure, pjesën tjetër nuk e ka. Unë nuk mendoj se është ricikluar, ai ka qenë aty, Basha e ka pranuar vet që kryetari de-facto, ka qenë ai, ka pranuar një gjë që ne të tjerët e dinim, dhe në këtë kuptim, ai ka qenë aty, thjesht ka dalë nga shtrofulla, dhe nuk po luan më strucin, dhe nuk po tërheq fijen në skenë, është një skenë , ne e kemi në skenë, kështu që nuk bën teatër më.
Amerikanët duke e shpallur non-grata, e nxorën në skenë, e nxorën nga shtrofulla, dhe dje e morëm vesh se sa forcë ka brenda PD, do të mbetet një forcë minoritare në politike, ka qejf le të rrijë.