Deputeti socialist Nasip Naço dhe ish-ministri i Transporteve në kohën e LSI-së, Edmond Haxhinasto janë bërë gjyshër.
Lajmin e ka dhënë vetë Nasip Naço përmes një postimi në rrjete sociale, i cili i uron mirëseradhjen në jetë mbesës së tij Victoria.
“Mirëseerdhe mbesa ime Victoria Naço! Qofsh e shëndetshme dhe e lumtur gjithë jeten e rrethuar me dashurinë e prindërve Eliza & Franko dhe gjithë familjarëve”, shkruan Naço.
Ndërsa krushku i tij, por njëherësh dhe miku i tij në karrierën politike pasi bashkë kanë qenë dikur tek LSI, Edmond Haxhinasto është treguar i rezervuar dhe nuk ka publikuar asnjë lajm.
Më herët, në një intervistë mediatike,Haxhinasto ka folur dhe për krushqinë me Nasip Naçon ish-ministrin e Drejtësisë, djali i të cilit, Franko Naço është martuar me vajzën e tij, Eliza Haxhinaston.
“Vajza është fryti ynë që ka bekimin tonë, përfaqëson më të mirën që kemi të dy si prind, ne jemi shumë të kënaqur me angazhimin e saj për të ecur në jetë, kolegu im Naço është një njeri me shumë integritet, me shumë taban, njeri shumë serioz dhe unë jam shumë i kënaqur”, do të deklaronte ish-deputeti i LSI.
Pyetur nëse lidhja e vajzës së tij me djalin e Naços u bë me shkuesi apo me dashuri, Haxhinasto do të shprehej: “Ka qenë një histori e tyre, ishin në një shkollë bashkë te Faik Konica, ishte një zgjedhje e tyre, kur e dëgjova në fillim kisha një pikëpyetje, por është një familje shumë e respektuar, e nderuar”.
