Ilia Gaxho, një nga themeluesit dhe legjendat e volejbollit shqiptar, është ndarë nga jeta.
Ilia Gaxho gjithë jetën e tij ia dedikoi sportit të volejbollit, gjithnjë pjesë e pandarë e tij, fillimisht në parket dhe më pas në katedrën e volejbollit si dhe pjesë e lëvizjes olimpike.
Lamtumira e parakohshme e tij lë pas një boshllëk të madh për familjen, kolegët, komunitetin e volejbollit dhe cilindo tjetër që e ka njohur.
Federata Shqiptare e Volejbollit njoftoi me dhimbje të thellë ndarjen nga jeta të profesor Ilia Gaxho, i cili vuante nga një sëmundje e rëndë.
Ilia Gaxho është një nga flamurtarët e sportit të volejbollit, themelues i tij në qytetin e Krujës e më pas puna e tij u shtri në të gjithë vendin.