E papritur nga Montecarlo. Teksa kishin përfunduar vetëm 2 xhiro për Garën e Çmimit të Madh të Formula 1, gjithçka është ndërprerë. Shkak është bërë shiu i rrëmbyeshëm që po bie në Monaco, çka e ka bërë të pamundur ecurinë normale të garës.
Makina janë të gjitha në bokse dhe nga momenti në moment pritet të mësohet sesi do procedohet.Pak më parë ekipet kanë ndërruar edhe gomat, duke vendosur ato që shërbejnë për pistat e lagura. Evenimenti gjigand i sotëm po ndiqet në mbarë botën nga fansat e zjarrtë.