Është bërë e udhës tashmë që fansat të aludojnë për shtatzëni të personazheve të njohur, që në disa raste kanë rezultuar të vërteta, por në disa të tjerë jo. Së fundmi Nevina Shtylla është përballur me të njëjtën gjë nga një ndjekëse që e ka pyetur hapur nëse është në pritje të ëmbël.
Moderatorja ka publikuar në rrjete sociale një foto, në të cilën shfaqet veshur me një fustan të zi dhe sa herë që një fustan është i lirshëm në pjesën e poshtme gjithmonë barku duket si më i fryrë.
Për këtë arsye dikush e ka pyetur Nevinën: “Oh, je shtatzënë?”.
Siç duket moderatorja nuk e ka pritur fare mirë një pyetje të tillë dhe ka vendosur të reagojë ashpër publikisht.
“E keni seriozisht domethënë?! Ka dal në modë kjo pyetja a si?”, ka shkuar Nevina duke hedhur poshtë aludimet e ndjekësve dhe duke treguar se është mërzitur paksa nga këto fjalë.
Ndërkohë e ftuar para pak kohësh në emisionin “Wake Up”, Nevina tha se nuk do të japë më asnjë informacion në lidhje me jetën e saj private dhe se është penduar për gjithçka që ka thënë më herët.
“Është një pjesë e jetës sime që preferoj ta mbaj personale dhe private. Jam treguar e hapur, kam shprehur që kam qenë në një marrëdhënie dhe isha komode. Për sa kohë që jam tërhequr në atë që kam thënë në ekran normal që jam penduar. Tashmë nuk kam ndërmend të them asgjë.
Nuk prish punë sinqeriteti im. Problemi është tek abuzimi që bëhet më pas, edhe kur jap material, edhe kur ofroj diçka përveç anës profesionale që e kam detyrim ti qëndroj strikt dhe të tregoj më tepër, ana private është diçka që e kam në dorë unë. Në momentin që tregoj diçka, nuk ka nevojë të abuzohet më shumë. Kur abuzohet, e mbyllim edhe rrimë”, është shprehur Nevina.