Shqiptarët vijojnë që të kenë paketat më të shtrenjta në rajon sa i përket telefonisë celulare. Monopoli nga tre operatorët që operojnë në vendin tonë pothuajse ka shuar plotësisht konkurrencën duke sjellë në fakt dhe një “zhvatje” të qytetarëve shqiptarë që detyrohen të paguajnë më shtrenjtë minutat dhe sasinë e internetit.
Janë me qindra qytetarë të cilët në faqen e vodafone janë ankuar për një rritje të çmimit që ky operator por jo vetëm ka bërë, në dëm të konsumatorëve shqiptarë. Edhe pse institucionet shtetërore përgjegjëse heshtin duke lënë të pambrojtur qytetarët shqiptarë, janë këta të fundit që denoncojnë abuzimet e kompanive celulare në vendin tonë.
Rritja e fundit e çmimit ka ngjallur pakënaqësi në radhët e qytetarëve. Tirananews.al do të publikojë një cikël shkrimesh të cilat trajtojnë shqetësimin e qytetarëve shqiptarë si dhe heshtjen totale nga ana e AKEP dhe e Autoritetit të Konkurrencës.
Rritja e çmimeve nga Vodafone
Javët e fundit është vënë re se Vodafone ka rritur sërish çmimet e paketave. Abonentëve nuk u ka shpëtuar kjo gjë dhe menjëherë kanë nisur të ankohen në rrjetet sociale. Mirëpo, kompania në fjalë është justifikuar duke thënë se çmimet janë rritur sepse janë shtuar edhe GB, siç mund ta shihni në foton e mëposhtme.
Për ta ilustruar atë që shkruajtëm më sipër mjafton të shohim paketën “Combo” që para një muaji kushtonte 1200 lekë, ndërsa brenda pak kohësh është bërë 1500 lekë.
Pra, është rritur me 25% ndërkohë që ofrohet shtesë 1GB dhe 1000 SMS me Vodafone.
Përdoruesi e rrjetit vodafone, kanë marrë një mesazh për paketën në të cilën jemi abonuar dhe brenda pak orësh ka ardhur një mesazh i dytë që tregon se 80 % e internetit ka përfunduar.
Ja një rast:
Madje, madje çudia shkon deri aty sa 6 GB të konsumohen vetë për 30 minuta.
Për ta ilustruar atë që shkruajtëm më sipër mjafton të shohim paketën “Combo” që para një muaji kushtonte 1200 lekë, ndërsa brenda pak kohësh është bërë 1500 lekë.
Pra, është rritur me 25% ndërkohë që ofrohet shtesë 1GB dhe 1000 SMS me Vodafone.