Në frymën e fundit, Partizani siguron në Maltë kualifikimin për në turin e dytë të Conference League

Partizani siguroi kualifikimin për në turin e dytë të Conference League. Nënkampionët e Shqipërisë, triumfuan me përmbysje me rezultatin 2-1 ndaj Marsaxlokk në Maltë. Pjesa e parë u mbyll me rrjeta të paprekura, ndërsa e dyta ishte më e ndezur. Vendasit kaluan të parët në avantazh me një supergol nga Yuri në minutën e 46-të, por Partizani barazoi vetëm dy minuta më vonë me Carën. Kur dukej se ndeshja do të shkonte me penallti, erdhi edhe goli që vendosi kualifikimin. Në minutën e 93-të, Keko shfrytëzoi një pasim në zonë nga Hadroj dhe përmbysi rezultatin.