Një 49-vjeçar është vënë në pranga nga policia pasi duke drejtuar në gjendje të dehur mjetin e tij ka dalë nga rruga dhe aksidentuar katër këmbësorë.
Mësohet se ngjarja ka ndodhur në rrugën “Llazi Miho”. Të aksidentuarit janë në spital në kujdesin e mjekëve.
NJOFTIMI I PLOTE
Tiranë
Nga specialistët e Qarkullimit Rrugor u bë arrestimi në flagrancë i shtetasit :
-A.L., 49 vjeç, banues në Tiranë.
Arrestimi i këtij shtetasit u bë pasi në rrugën “Llazi Miho”, duke drejtuar mjetin në gjendje të dehur në masën 0.64 mg/l, ka humbur kontrollin e mjetit, dhe është ngjitur në trotuar duke aksidentuar këmbësorët : E.Y., L.Y., L.D., dhe M.SH., të cilët ndodhen në spital, nën kujdesin e mjekëve.
Materialet i kaluan Prokurorisë së Rrethit Gjyqësor Tiranë, për veprat penale “Shkelja e rregullave të Qarkullimit Rrugor” dhe “Drejtim i mjetit në menyrë të parregullt”.