Kryeministri i Shqipërisë Edi Rama ndodhet në SHBA për të siguruar vaksinën anticovid-19.
Kreu i Qeverisë ka dhënë lajmin e mirë nga Nju Jorku. Krahas bosit të Pfeizer-it Albert Burla, Rama thotë se takimi ishte pozitiv, dhe pse prodhimi është më i ulët se kërkesa, ne s’do mbetemi prapa.
Rama përmes një shënimi në twitter, shprehet pozitiv se në dy muajt e parë të 2021 do të vaksinohemi.
“Takimi pozitiv me bosin e Pfeizer, Albert Burla, në qendrën e kompanisë prodhuese të vaksinës në Nju Jork, përmbylli komunikimet tona të kësaj vizite kërkimore për të siguruar vaksinën për Shqipërinë – një sfidë e jashtëzakonshme në kushtet e një kërkese globale marramendëse. Prodhimi është ende shumë më i ulët se sa kërkesa botërore! Por ambicia jonë është mos mbetemi mbrapa në radhën e stërgjatë të shteteve që kërkojnë vaksinën! Përveç kanalit të sapohapur për vaksinën Pfeizer do hapim në vijim edhe kanalet për vaksinat Moderna dhe Astrazeneca. Ambicia jonë është që brenda dy muajve të parë të vitit të ri të nisim vaksinimin! Duket e pamundur po ne do t’ia dalim,pavarësisht vështirësisë së skajshme në këtë situatë për të gjithë, ku sidoqoftë vendet më të vogla e me të ardhura më të ulëta janë dhe më të dizavantazhuarat!”