Hypochondria – frika e të paturit një sëmundje serioze, edhe kur analizat tregojnë se gjithçka në organizëm po funksionon më së miri. Ok, e përmblodhëm paksa për të kuptuar më mirë shakanë mes Arbana Osmanit dhe Xhemi Shehut.
Në një kohë kur flitet vetëm për viruse, ndoshta keni dëgjuar nga miq e të afërm se ankthi ka arritur majat për disa. Për ta përshkruar me humor këtë situatë, Arbana ka përdorur një meme, ku sigurisht nuk mund të mungonte një ‘tag’ për Xhemin.
*Unë, që vuaj nga hipokondria, duke folur me shoqen e ngushtë për koronavirusin*
Unë: Po e mendoj seriozisht të bëj testin. Ndonjëherë nuk mbushem me frymë.
Shoqja: Nuk mbushesh me frymë se je e shëndoshë.
A na u kujtuan shoqet me këtë përgjigje? Nëse jo, atëherë nuk jeni shoqe të ngushta. Gjithsesi, nëse e shikoni se ndonjë i afërm apo mik (pa arsye) mbërthehet nga ankthi i të paturit Covid, përmendini kilogramët e tepërt. Edhe nëse nuk ka shtuar asnjë gram gjatë karantinës. Një meme mund të reduktojë stresin deri në 90%. (Nuk është vërtetuar, por thënë nga ne nuk ka si mos të merret për bazë.)
