Gjatë muajve të fundit, Emca ka qenë mjaft aktive në muzikë. Në mars ajo publikoi këngën “Nashta”, ndërsa një muaj më parë lançoi projektin “Rakia” që bëri bujë të madhe.
Enca duket se nuk ka ndërmend të ndalet dhe së shpejti do të publikojë një këngë të re. Ajo ka postuar sot në Instagram një pjesë të shkurtër nga projekti i ri, i cili do të mbajë titullin “Suavele”. Ajo ka treguar se këtë herë do të vijë shumë më ndryshe dhe ju ka vendosur një kusht fansave për të publikuar këngën. Nëse bëhen 5 mijë komente brenda ditës së sotme, “Suavele” do të publikohet në datë 29 korrik.
“Një projekt ndryshe. Nëse bëhen 5000 komente sonte, kënga del në 29 korrik ‘Suavele’ së shpejti!”, shkruan Enca.
Kujtojmë se kënga e fundit e saj. “Rakia” u diskutua gjerë e gjatë në media e rrjete sociale. Këngëtarja kishte zgjedhur si protagonist në klip ish-konkurrentin e “Për’puthen”, Beart Rexhepi, me të cilin shfaqet në skena shumë të nxehta dhe duke bërë lëvizje provokuese në shtrat.
Megjithatë ata treguan se mes tyre nuk ka asgjë më shumë përtej bashkëpunimit për punë dhe miqësisë. Madje gjatë një interviste virtuale me ndjekësit, Bearti u shpreh me konsideratat më të larta për Encën.
“Njeriu më pozitiv, ajo të bën të ndihesh komod, ka disa fjalime të mrekullueshme motivuese për jetën, është shumë e zgjuar dhe është shumë e ëmbël si një beb…”, tha Bearti.
