Presidenti i Partisë së Lirisë, Ilir Meta ka reaguar nga paraburgimi në rrjetet sociale në lidhje me një njoftim të SPAK-ut, që ai do të merret të martën në pyetje nga ky institucion.
Meta sulmon edhe njëherë tjetër SPAK-un, duke e quajtur organizatë kriminale. Ai shkruan se do të jetë ai që do t’i marrë në pyetje prokurorët e SPAK-ut.
”Sapo mësova nga mediat e regjimit, që nesër unë, lideri i Partisë së Lirisë, forcës së dytë opozitare dhe forcës së tretë politike në vend, qenkam thirrur për t’u pyetur nga organizata kriminale SPAK, e cila firmosi rrëmbimin tim të paligjshëm dhe banditesk. Padyshim që do jem atje për t’i marrë unë në pyetje dhe pas kësaj seance jam i hapur për çdo pyetje nga mediat që do të jenë të pranishme”, shkruan Meta në Facebook.