Newcastle shpreson që blerja e fundit e janarit të jetë ylli i Atalanta-s, Robin Gosens.
Pasi kanë marrë Trippier nga Atletico Madrid dhe Chris Wood nga Burnley, duket se lojtari tjetër në listën e bardhezinjve është Gosens.
Sipas Sky Sport Italia, klubi i Premier League do të bëjë një ofertë këto ditë për ta bindur lojtarin të largohet nga bergamaskët, me të cilët ka luajtur në Champions League tre sezonet e fundit.
Nëse do të pranojë të transferohet në Angli, rroga e gjermanit do të shkojë në 3.5 milionë euro në sezon, rreth tre herë më e lartë në krahasim me rrogën që fiton tek Atalanta.