Në prag të funeralit të Mbretëreshës Elizabeth II, r; dielën një portret i paparë i monarkes së ndjerë u publikua nga “Buckingham Palace”. Në foto, mbretëresha është e veshur me një fustan blu të çelur, me flokët kaçurrela, teksa buzëqesh plot shkëlqim për kamerën.
Ajo është fotografuar e veshur me varsen e saj të preferuar me tre fije perla, vathët me perla dhe karficat e saj me kapëse akuamarin dhe diamanti, të cilat ishin një dhuratë për ditëlindjen e 18-të nga babai i saj Mbreti George VI në vitin 1944. Sipas pallatit, portreti është realizuar në fillim të këtij viti për të shënuar “Jubileun Platinum” të saj, pasi ajo u bë monarkja e parë britanike që arriti këtë moment historik.
Sipas pallatit, arkivoli që mban trupin e mbretëreshës do të merret në procesion nga Pallati i Westminsterit në Westminster Abbey, vendi i kurorëzimit të saj në 1953 dhe dasmës së saj në 1947 me Princin Philip. Pas shërbimit, arkivoli do të udhëtojë në Procession në Wellington Arch, pas së cilës do të udhëtojë në Kështjellën Windsor shtëpinë e mbretëreshës për dy vitet e fundit.
Një ditë para funeralit, Mbreti Charles, 73 vjeç, dha një mesazh falënderimi për kombin ndërsa përgatitet t’i thotë “lamtumirën e fundit” nënës së tij. “Gjatë dhjetë ditëve të fundit, gruaja ime dhe unë jemi prekur thellë nga mesazhet e shumta të ngushëllimit dhe mbështetjes që kemi marrë nga ky vend dhe në mbarë botën”, thuhej në deklaratën e tij të 18 shtatorit. “Në Londër, Edinburg, Hillsborough dhe Cardiff ne u prekëm jashtë mase nga të gjithë ata që morën mundimin të vinin dhe të bënin respekt për shërbimin e përjetshëm të nënës sime të dashur, Mbretëreshës së ndjerë.” Deklarata vazhdoi: “Ndërsa ne të gjithë përgatitemi për të thënë lamtumirën tonë të fundit, doja thjesht të përfitoja nga ky rast për t’u falënderuar të gjithë atyre njerëzve të panumërt që kanë qenë një mbështetje dhe ngushëllim i tillë për familjen time dhe veten time në këtë kohë pikëllimi“.