Ditën e sotme është mbajtur Asambleja e Partisë Socialiste ku janë marrë dhe vendime të rëndësishme në lidhje me vazhdimësinë organizative të partisë.
Ndërkohë, përpos vendime organizative, anëtarët e PS-së duke filluar nga deputetët te biznesmenët duhet të paguajnë edhe kuotat mujore.
Kështu, ata që duhet të paguajnë më shumë para janë biznesmenët anëtarë partie që duhet të derdhin nga 8 mijë lekë të reja.
Ndërsa ministrat dhe deputetët duhet të çojnë në arkën e partisë nga 7 mijë lekë në muaj, ndërsa të punësuarit anëtarë partie do të paguajnë nga 250 lekë deri në 2500 lekë në varësi të të ardhurave që kanë.
Të fundit janë studentët, pensionistët dhe punonjësit e fshatit që kanë një kuotë simbolike prej 50 lekë në muaj.
Rama po ashtu tha se do të futet krijohet edhe kancelaria e PS-së, duke futur figurën e sekretarit ekzekutiv, kancelarit në nivelin qendror, në nivelin e qarkut deri në nivelin e bashkisë.