Isak Drogba djali i ish-legjendës së Çelsit, Didier Drogba është kthyer në çështjen e ditës në klubin portugez Akademika ku militon aktualisht. Sipas asaj çka raporton e përditshmja britanike “The Sun”, djali i legjendës nuk është paraqitur në stërvitje dhe nuk ka komunikuar me asnjë nga klubi lidhur me vendndodhjen e tij.
Burime nga klubi bëjnë të ditur se 21-vjeçari i kishte komunikuar klubit disa kohë më parë se i duheshin disa ditë të lira për të shkuar në Francë, për të zhvilluar disa provime në shkollën ku është i regjistruar, por që nga ai moment nuk kanë dëgjuar më prej tij.
Pjesa tjetër e shokëve të ekipit pohon të njëjtën gjë, duke pranuar se as ata nuk ia kanë idenë se ku ndodhet aktualisht Isak Drogba.