Gazetarja e njohur, Klodiana Lala, ka qenë e ftuar tek emisioni ‘Opinion’ ku ka folur për detajet e dëshmisë së të penduarit të drejtësisë, Nuredin Dumanit. Lala ka dhënë disa detaje të tjera të forta.
“Këta ishin krahu i armatosur i të gjithëve, vepronin nga Elbasani në Durrës, në Tiranë, në Lezhë. Lidhjet e tyre, baza kryesore ishin Nikla. Kanë folur dhe me gjatë. Nuk jap dot më detaje se nuk dua të shkoj tek Nuredini, dua të rri këtu të rris fëmjët e mi”, u shpreh Lala.
Lala tha, se bazuar në këto rrëfime po hetohen gjithashtu edhe 3 prokurorë dhe 2 drejtues policie. Lala u shpreh gjithashtu se Dumani ka folur për ngjarje që kanë të bëjnë me të tjera qytete.
Nuredin Dumani ka folur për ngjarje që nuk janë përfshirë në këtë dosje dhe që kanë të bëjnë me Shkodrën, kanë të bëjnë me Lezhën”, tha Lala.