Ka nisur në Burrel rikonstruksioni i gjimnazit “28 Nëntori”. Kryebashkiaku Agron Malaj ka postuar fotot nga kantieri ku po punohet intensivisht për përfundimin sa më parë të punimeve që do të krijojnë kushte komode për 240 nxënësit që mësojnë në këtë shkollë.
“Ky Gjimnaz ka 240 nxënës, të cilët falë këtij investimi madhor të qeverisë shqiptare dhe Bashkisë Mat shumë shpejt do të përvetësojnë dije në ambiente tërësisht të reja.
Ky investim përfshin:
- Sistem qëndror ngrohje me kaldajë,
- Dyer dhe dritare të reja,
- Suvatime të reja,
- Veshje me sistem kapot për termoizolim,
- Sistem ndriçimi
- Aksesueshmëri për personat me aftësi ndryshe.
Në Mat nuk do të ndalen investimet në të gjitha institucionet ku kemi më shumë nevojë”, shkruan kryebashkiaku Malaj.