Ka nisur mbledhja e protestuesve në rrethe që do t’i bashkohen tubimit të thirrur nga opozita.
Nga Shkodra, do të nisen drejt kryeqytetit rreth 3 mijë qytetarë, bëri me dije kreu i degës së PD në këtë qark.
Deputeti Luan Baçi njoftoi se nga Fieri janë nisur anëtarë e simpatizantë të Partisë Demokratike, si dhe qytetarë.
Qindra protestues nga Korça, Pogradeci, Devolli, Vlora, Kukësi e Lezha i janë përgjigjur gjithashtu pozitivisht thirrjes së PD-së.
Protestuesit do të grumbullohen fillimisht në orën 16:00 në Bulevard, më pas do të marshojnë drejt Kryeministrisë.
Mësohet se protesta do të jetë paqësore. Por, nga ana tjetër, policia ka ndërmarrë masa, ku janë angazhuar afro 1500 efektivë.