Një person humbi jetën si pasojë e një aksidenti në aksin rrugor Fushë Krujë-Milot, në kryqëzimin e Patokut. Policia ende nuk e ka zbuluar identitetin e viktimës. I ndjeri është i gjinisë mashkullore dhe humbi jetën menjëherë nga përplasja.
Madje, trupi i tij mori dëmtime të mëdha si pasojë e përplasjes së fortë. Sipas dëshmitarëve, makina menjëherë pas aksidentit u largua nga vendngjarja. Policia shkoi në vendngjarje dhe ka nisur nga puna për zbulimin e identitetit të autorit të këtij aksidenti dhe të viktimës. Postoblloqe të shumta janë ngritur në hyrjet dhe daljet e akseve kryesore të zonës, në përpjekje për arrestimin e autorit.