Lugano është përforcuar me një tjetër futbollist shqiptar pas Armando Sadikut. Bëhet fjalë për mbrojtësin e të rinjve të Juventusit, Qëndrim Kameraj. 19-vjeçari i lindur në Zvicër, ka hedhur një hap në karrierën e tij, teksa tashmë kërkon më shumë minuta në një ligë të fortë siç është ajo zviceriane.
Mësohet se klubi i Luganos e ka blerë përfundimisht kartonin e mbrojtësit, teksa ky i fundit do t’i bashkohet si fillim skuadrës së dytë, për të arritur formën optimale, me shpresën që do të arrijë të bindë trajnerin e ekipit të parë.
Kameraj ishte pjesë e Juventusit që prej vitit 2017, teksa pati fatin në disa raste të stërvitej me futbollistë të kalibrit të lartë. Eksperienca te skuadra bardhezi do t’i shërbejë mbrojtësit me origjinë shqiptarë të bëjë diferencën në Zvicër.